Sevilla ka rikthyer rezultatin (4-1) përballë Barcelonës, mirëpo u dorëzua në minutat e fundit të shtesave. Skuadra e drejtuar nga Unai Emery kishte bërë rikthim senzacional duke shënuar tre gola brenda një kohe të shkurtër për ta dërguar lojën në shtesë, mirëpo goli i Pedro Rodriguezit në minutën e fundit i ka dhënë Barcelonës epitetin si skuadra më e mirë në Europë.
Blaugranasit triumfuan në Superkupën e Europës përballë Sevillas me dy golat e Lionel Messit i cili u ndihmua nga Rafinha Alcantara, Luis Suarez dhe Pedro Rodriguez. Ndërkohë, Sevilla e nisi mirë ndeshjen duke shënuar me Ever Banegan, për të vijuar dhe me tre gola të tjerënga Reyes, Gameiro dhe Konoplyanka. Por kjo ishte krejt ajo që arritën të bënin andaluzianët në këtë takim pasi u dorëzuan në minutën e fundit të kohës së rregullt të shtesave.
Barcelona kështu fiton trofeun e pestë të Superkupës së Europës, duke u barauar me Milanin në tituj. /tesheshi.com/
