Më në fund, pas 9 muajsh pa humbje në Ligën e parë francezë, Monako është mposhtur 4-0,në transfertën ndaj Nicës.
Ka qenë pikërisht Mario Baloteli, dirigjenti i fitores për Nice, me dopietën e tij personale, ndërsa golat e tjerë janë shënuar nga Plea dhe Ganago.
Nice kaloi në avantazh që në minutën e gjashtë, falë një 11-metërshi të ekzekutuar saktë nga sulmuesi italian, ndërsa Plea dyfishoi rezultatin në minutën e 18.
Në pjesën e dytë Baloteli gjeti sërish rrugën e rrjetës, ndërsa Ganago, i cili zëvendësoi italianin, vulosi rezultatin 4-0, dy minuta nga fundi.
Monako kishte afërisht 9 muaj që nuk humbiste në kampionatin francez dhe humbja e fundit ishte ajo në shtëpi ndaj Lyon-it, më 18 dhjetor 2016, me rezultatin 1-3. /tesheshi.com/
