Një ditë pasi postoi takimin si gjithnjë “vëllazëror” me Erdoganin në rezidencën e këtij të fundit në Turqi, kryeministri Rama kaloi në “kampin armik”, në Athinë, duke patur një takim me homologun e djathtë Mitsotakis.
“Athinë – Një darkë e bukur me kryeministrin e Greqisë, Kyriakos Mitsotakis, që ofroi përzemërsisht mikpritjen e tij.
Marrëdhëniet e shkëlqyera mes dy popujve janë busulla jonë drejt shkëlqimit të marrëdhënieve mes dy vendeve”, shkruan shefi i qeverisë shqiptare, duke ofruar dhe pamjet e takimit me shefin e qeverisë së Athinës.
Ky takim mes tyre vjen në kohën e rindezjes së debatit mbi kufirin detar mes Shqipërisë dhe Greqisë, mbetur ende pa marrëveshje, e në sfondin e një praglufte mes fqinjit jugor dhe Turqisë, mbi të drejtat në ujrat e Mesdheut lindor. /tesheshi.com/
https://www.facebook.com/edirama.al/videos/319583009331496/?t=22
