Arritje e madhe për kinemanë kosovare: Filmi “Shok”, me skenar dhe regji të britanikut Jaime Donoughue, producent Eshref Durmishi dhe kolonë zanore të kompozitorit kosovar, Trimor Dhomi, është nominuar për “Oscar” në kategorinë e filmave me metrazh të shkurtër “Live action short”.
Filmi “Shok” është i bazuar në një ngjarje të vërtetë gjatë periudhës së luftës në Kosovë, ku në qendër është miqësia mes dy djemve të vegjël, të cilët luftojnë për të mbijetuar.
Protagnistët e këtij filmi janë: Lum Veseli, Andi Bajgora, Melihate Qena, Eshref Durmishi, Aurita Agushi, Eni Cani, Armond Morina, Sunaj Raca, Luan Kryeziu, Astrit Kabashi, Xhevdet Jashari, Kushtrim Sheremeti, Fisnik Ademi, Besnik Krapi etj.
Filmi ka patur mbështetjen e Qendrës Kinematografike të Kosovës dhe është prodhim i shtëpisë filmike “Eagle Eye Films Kosova”. /tesheshi.com/
