Pasi u njoftua me bujë nisja për në Vatikan e delegacionit shqiptar me në krye presidentin Begaj për meshën inauguruese të Papa Leonit XIV u vërejt, se mungonte baba Mondi.
Megjithëse u anoncua paraprakisht nga agjencitë e lajmeve dhe portalet, se Baba Mondi së bashku me zëdhënësin e tij Ferdinand Samarxhi do të ishin pjesë e delegacionit shtetëror, ai mungoi.
Nuk dihet pse nuk mori pjesë, ndërkohë që Baba Mondi dhe zëdhënësi i tij pas takimit me Papa Françeskun sajuan një zhurmë të tërë në favor të idesë së Shtetit Bektashi.
Samarxhiu, një figurë e dyshimtë u paraqit nëpër studio të ndryshme televizive duke pretenduar se takimi me Papa Françesku ishte një mbështetje e madhe për bektashitë dhe shtetin e tyre.
Mungesa e tyre në delegacionin qeveritar, ku sipas të gjitha gjasave, bektashinjtë nuk e kanë marrë një ftesë nominale nga Vatikani, është një tregues i qartë: Baba Mondi thjesht e ka takuar Papa Françeskun dhe nuk ka marrë gjë tjetër prej tij.
