Mjetet turke të informimit citojnë një njoftim të ushtrisë turke që thotë se avionët e saj luftarakë kanë vrarë 160 gjer në 200 pjesëtarë të PYD-së, degës siriane të organizatës terroriste kurde të PKK-së.
Sipas këtij njoftimi, avionët luftarakë turq kanë kryer 26 sulme ajrore mbi 18 objektiva të PYD-së.
Ushtria turke thotë se avionët e saj goditën në orët e vona të së mërkurës zona të marra së fundi nga terroristët e YPG-së, Njësive të Mbrojtjes Popullore, krahut të armatosur të PYD-së, duke shkatërruar nëntë godina, një makinë të blindur, si dhe dhe katër automjete të tjera.
Sulmet ajrore u kryen në kuadër të operacionit “Mburoja e Eufratit”, të nisur më 24 gusht.
Operacioni u krye pas një sulmi me raketë të martën ndaj pozicioneve të Ushtrisë së Lirë Siriane, që la të vrarë dy prej luftëtarëve të saj. /tesheshi.com/
