Dueli midis dy motrave amerikane Williams në finalen e turneut Australian Open ka përfunduar në favor të më së voglës. Serena ka fituar 2-0, në një finale ku rezultati i dy seteve ka qenë i njëjtë: 6-4, 6-4.
Një fitore që i ka sjellë 35-vjeçares trofeun e shtatë të këtij turneu Grand Slam, duke vendosur dhe një rekord, me 23 tituj të fituar në Grand Slam-et në epokën moderne të këtij sporti, që prej pranimit të lojtarëve profesionistë në Grand Slam-e në vitin 1968.
Efekti i kësaj fitoreje vijon me marrjen e vendit të parë në renditjen botërore, duke u kthyer numri një në tenisin e femrave dhe duke zbritur nga froni gjermanen Angelique Kerber.
“Urime Serena për numrin 23,” do ta përshëndeste e motra, Venus-i, finalistja me moshën më të madhe në historinë e vonë të tenisit.
Finalja e sotme i lë vendin asaj të ditës së nesërme për meshkuj, kur do të ndeshen Roger Federer dhe Rafael Nadal. /tesheshi.com/
