SHBA dhe BE dërgojnë në Maqedoni si kryevëzhguese të zgjedhjeve një specialist të situatave ballkanike, në vendet ish-komuniste por veçanërisht aty ku ka shqiptarë, ambasadoren britanike, Audry Glover.
Shefja e misionit vëzhgues të OSBE-ODIHR-it, e cila është në krye të 200 monitorëve afatshkurtër dhe më shumë atyre afatgjatë ka takuar kryeministrin Zoran Zaev, të cilit i ka bërë të ditur planin e monitorimit.
Siç bën të ditur agjencia shtetërore e Maqedonisë, MIA, ODIHR i ka kushtuar një rëndësi të veçantë regjistrit të zgjedhësve, problem me të cilin ka pasur gjithmonë kontestime në të shkuarën.
Vetë Zaev ka marrë angazhimin që qeveria të kryejë një proçes transparent dhe të drejtë.
“Do të doja të sugjeroj, t’u kushtohet më tepër vëmendje vërejtjeve të opozitës, jo vetëm të VMRO-DPMNE-së, por të gjitha partive opozitare. Në këto zgjedhje maqedonasit do të votojnë për shqiptarët, dhe shqiptarët do të votojnë për maqedonasit, kjo është një garanci solide për të ardhme të përbashkët, e cila, besoj fuqishëm se do të fermentojë në një praktikë pozitive në të ardhmen”, tha Zaev.
Glover është e njohur kryesisht për zgjedhjet në Shqipëri që i ka kryesuar si në vitin 1996, 2009 dhe 2015.
Ajo u bë e njohur pas përplasjes së dukshëm me ish-kryeministrin Sali Berisha në kohën e pushtetit të parë të PD-së në vitet 1992-1997 dhe atij të dytë në vitin 2009. /tesheshi.com/
