Natyralisti më i famshëm i televizionit Sir David Attenborough, i cili konsiderohet një thesar kombëtar në Britaninë e Madhe, në dokumentarin e tij të ri i jep paralajmërimin më të fortë njerëzimit deri më tani, dhe kjo është se për hir të mbijetesës së vet ajo duhet të ruajë speciet e tjera.
Në filmin një orësh “Zhdukja: Faktet”, i cili u transmetua në BBC të dielën, Attenborough nuk hezitoi të tregojë pasojat nga shkatërrimi të habitateve natyrore dhe i lidhi qartë ati me shfaqjen e pandemive si kjo me virusin koronar, raporton AFP.
Dokumentari u shfaq vetëm disa ditë pasi ekspertët paralajmëruan se popullatat e kafshëve, zogjve dhe peshqve ishin “rrëmbyer” nga dy të tretat në më pak se pesëdhjetë vjet për shkak të konsumit të tepërt të njerëzve.
“Ne po përballemi me një krizë”, thotë Attenborough në fillim të filmit, “dhe ato që do të sjellin pasoja për të gjithë ne.”
Filmi përmban skena të tmerrshme, si majmunët që hidhen furishëm nga pemët në një lumë për të shpëtuar veten nga një zjarr ose një koalë duke çaluar nëpër rrugë në një kërkim për strehim nga e njëjta katastrofë.
Autori i “Blue Planet” dhe “Planet Earth”, në filmin e ri gjithashtu hulumton burimin e COVID-19 në mesin e popullatës së lakuriqëve të natës në shpellat në provincën kineze të Yunnan.
“Çfarë ndodh varet nga ne”
Ai gjithashtu ndalet te tregu kinez në Wuhan, i destinuar në shitjen e kafshëve të egra njerëzve për ushqim, i cili besohet të jetë pika fillestare për përhapjen e pandemisë në të gjithë botën.
Attenborough gjithashtu shkon në Afrikën Qendrore për të treguar dy rinocerontët e bardhë të veriut, një nënë dhe vajzë.
“Unë kam hasur disa nga speciet më të jashtëzakonshme të kafshëve në jetën time,” tha natyralisti 94-vjeçar. “Dhe vetëm tani e kuptoj se sa i lumtur isha sepse disa nga këto kafshë të mrekullueshme do të zhduken përgjithmonë”.
Por ai thotë se ka shpresë. Attenborough bëri një film në vitet 1970 për gorillat malore në kufirin e Ruandës dhe Kongos që atëherë ishin në prag të zhdukjes.
Falë një fushate të vendosur për t’i shpëtuar ata, numri i tyre është rritur nga 250 në më shumë se një mijë deri më sot, kështu që Attenborough mund të takonte pasardhësit e majmunit të gjallë që ai filmoi dyzet vjet më parë.
“Unë mund ta mos e përjetoj, por nëse marrim vendimet e duhura në këtë kohë kritike, ne mund të ruajmë ekosistemin e planetit tonë, biodiversitetin e tij të jashtëzakonshëm dhe të gjithë banorët e tij,” përfundon filmi.
“Çfarë do të ndodhë varet nga ne,” tha ai. /tesheshi.com/
