Një shqiptar u shua mbrëmjen e së dielës në qendër të Athinës, pasi u qëllua me armë zjarri. Ngjarja ndodhi jashtë një kafeneje të vendosur në rrugën për këmbësorë të Agios Pavlos.
Sipas raportimeve të mediave greke, 39-vjeçari shqiptar u qëllua nga një burrë i maskuar dhe me kapele, i cili iu afrua viktimës të ndodhur jashtë kafenesë dhe po bisedonte me klientët.
Autori, pasi qëlloi mbi shqiptarin, u largua me një makinë të bardhë që po e priste.
Viktima dyshohet se ishte pronar i kafenesë dhe atentati ndodhi jashtë biznesit të tij. Zona në atë kohë ishte e mbipopulluar dhe kishte shumë njerëz.
Sipas dëshmive, autori e qëlloi viktimën të paktën gjashtë herë. 39-vjeçari shqiptar mori plumba në kokë dhe bark, dhe u transportua në gjendje të rëndë në spital, por ndërroi jetë si pasojë e plagëve të marra.
Sipas mediave greke, shqiptari është një emër i njohur për autoritetet greke pasi ka pasur probleme me drejtësinë, kryesisht për raste të shpërndarjes së drogës.
Kjo vrasje i ngjan asaj të Lushjnes pak javë më parë, ku u qëllua dhe u vra Bledar Muça, pronar i një lokali në pedonalen e qytetit. /tesheshi.com/
