Të gjithë e kemi pasur qoftë edhe një herë në jetën tonë një arkë kursimi në formën e derrkucit. Është pikërisht mosha e vogël fëminore gjatë së cilës mësojmë vlerën e parave dhe nisim të mbushim barkun e këtyre derrkucëve me monedha dhe me të holla.
Tani është e mundur të gjejmë çdo formë dhe përmasë të kësaj arke kursimi, por sapo ajo mbushet duhet ta thyejmë për të mbledhur shumën e grumbulluar. A e keni pyetur ndonjëherë veten se pse forma më klasike e mbledhjes së parave në arkë është ajo e derrkucit prej porcelani?
Për herë të parë derrkuci është krijuar në versionin mekanik, që të mund të hapej kur ishte e nevojshme të përdorej shuma që gjendej brenda tij. Çdo arkë kursimi ishte e ndërtuar me një formë të veçantë, e cila paraqiste kafshën në lëvizje.
Kështu ka qenë deri në fund të shekullit XIX, ndërsa më pas nisën të prodhoheshin derrkucët prej porcelani. Pra, pse pikërisht forma e derrkucit?
Gjithçka derivon nga fjala angleze e përdorur deri në shekullin XV. Pygg i referohej baltës. Në të shkuarën njerëzit ruanin kursimet dhe pasuritë e tyre në pjesën e tokës në kuzhinë.
Kështu që arkat e para të kursimit prej porcelani, të cilat janë krijuar enkas për të ruajtur paratë janë quajtur pygg. Prej saj rrodhi edhe emri ‘pig’ (derrkuc) dhe ndaj forma e sotshme u përshtat me emrin. /tesheshi.com/
