Autoritetet zvicerane kanë arrestuar dje shtetasen e tyre me prejardhje nga Kosova, Loredana Zefi, nën dyshimet se ajo ka përvetësuar në mënyrë joligjore 900.000 franga zvicerane.
Zefi, e cila është e njohur në Kosovë për muzikën që bën, po dyshohet se ka mashtruar një çift zviceran duke i shkaktuar dëm financiar prej 900 mijë franga, njoftojnë mediat zvicerane.
Policia ne Luzern tha se ajo është arrestuar mbrëmë në shtëpinë e saj, ndërsa autoritetet tashmë kanë nisur hetimet më të gjera.
Loredana Zefi po akuzohet nga çifti se i ka përvetësuar paratë jo vetëm përmes mashtrimit, por edhe kërcënimit që u ka bërë atyre së fundmi.
Ajo njihet për stilin luksoz të jetesës, makina të shtrenjta dhe stoli të çmueshme, të cilat vazhdimisht i ekspozon në rrjetet sociale. /tesheshi.com/
