Një shtetas rus, i cili dyshohet se është personi anonim që qëndron prapa një nga kriptovalutave më të vjetra në botë dhe është akuzuar për larjen e të paktën katër miliardë dollarëve amerikanë, u arrestua në Greqi, njoftuan të mërkurën burime të policisë.
Zyrtarët e policisë kanë identifikuar të arrestuarin si Alexander Vinnik, 38-vjeçar, i kapur pas denoncimit të tij në një qytet të vogël bregdetar në veri të Greqisë. Shtetet e Bashkuara kanë lëshuar një urdhër-arrest për të, dhe policia thotë se do të kërkojë ekstradimin e tij.
Dy burime nga kriptovaluta Bitcoin që kanë dashur të mbeten anonim, pohuan se Vinnik ishte personi kryesor prapa kësaj platforme, e cila që nga nata e së martës nuk funksionon për shkak të “problemeve teknike”.
“Është arrestuar truri “i një organizate kriminale” i kërkuar ndërkombëtarisht”, njoftoi policia greke.
“Që nga viti 2011, ky 38-vjeçar udhëhoqi një organizate kriminale, e cila administronte një prej faqeve më të rëndësishme të krimit elektronik në botë,” shtonte deklarata e policisë.
Policia tha se që nga viti i themelimit 2011, përmes platformave Bitcoin janë larë të paktën 4 miliardë dollarë.
Bitcoin është monedha e parë dixhitale që ka përdorur me sukses kriptografinë, në mënyrë që transaksionet të jenë të sigurta dhe të fshehura, duke e bërë rregullimin konvencional financiar të vështirë, pothuajse të pamundur.
Arrestimi Vennikov është i fundit në një seri të operacioneve amerikane kundër kriminelëve kibernetik rus në Evropë. Departamenti Amerikan i Drejtësisë javën e kaluar ka mbyllur tregun e internetit të zi AlphaBay./tesheshi.com/
