Një gjykatë në Ukrainë urdhëroi sot ndalimin e ish-ministrit të Drejtësisë me akuzën për grusht-shtet. Oleksandre Lavrynovytch ka marrë pjesë në 2010 në reformën kushtetuese që forconte kompetencat e ish-presidentit pro-rus Viktor Janukoviç.
61-vjeçari u la në paraburgim për një afat 60 ditor nga gjykata e Kievit, njoftoi prokuroria e përgjithshme në një deklaratë. Ai rrezikon dhjetë vite burg nëse shpallet fajtor.
Krahu i djathtë i presidentit ukrainas, Viktor Janukoviç i shkarkuar pas revoltës popullore në 2014, Lavrynovytch është i akuzuar për orkestrim dhe pjesëmarrje në një grusht-shtet, për shkak të rolit të tij në miratimin e një reforme të diskutueshme të Kushtetutës.
Kjo reformë, që forconte kompetencat presidenciale u miratua në 2010 nga Gjykata Kushtetuese dhe jo nga Parlamenti, siç e kërkon Kushtetuta.
Oleksandre Lavrynovytch mbante në atë periudhë postin e ministrit të Drejtësisë. /tesheshi.com/
