Policia e Durrësit finalizoi me sukses operacionin “Minoreni-2”, duke arrestuar një shtetas 16-vjeçar që ishte kthyer në tmerr për banorët e qytetit.
Burime zyrtare bëjnë të ditur se J.P, banues në Shenavlash, akuzohet për të paktën 12 vjedhje të kryera nga mesi i muajit maj deri në gusht.
Adoleshenti hynte në banesa dhe dyqane ku vidhte bixhuteri, para, paketa cigaresh dhe sende të tjera. Në të gjitha rastet ai përdorte të njëjtë formë, thyente bravat dhe realizonte vjedhjet.
Hetimet e policisë deri në finalizimin e kapjes së këtij shtetasi zgjatën 2 muaj, madje duke përdorur edhe metodat speciale.
Vjedhjet për të cilat akuzohet
1.Më datë 14.05.2017, në Shijak, dyshohet se ka vjedhur me thyerje banesën e shtetases E.B. ku ka marrë sende të ndryshme dhe vlera monetare.
2. Më datë 12.06.2017, në lagjen Nr.13, Plazh dyshohet se ka vjedhur me thyerje banesën e shtetasit M.K. ku ka marrë bizhuteri dhe vlera monetare.
3. Më datë 24.06.2017, në lagjen Nr.4, Durrës dyshohet se ka vjedhur me thyerje kioskën e shtetases D.K. ku ka marrë pije të ndryshme.
4. Më datë 10.07.2017, në lagjen Nr.13, Plazh dyshohet se ka hyrë nga dritarja e lokalit në pronësi të shtetasit B.K. ku ka marrë vlera monetare.
5. Më datë 15.07.2017, në fshatin Sukth I Ri, Durrës dyshohet se ka vjedhur banesën e shtetasit A.S. ku ka marrë një aparat telefoni celular dhe vlera monetare.
6. Më datë 29.07.2017, në lagjen Nr.15, Durrës dyshohet se ka vjedhur me thyerje dyqanin e shtetases Sh.S. ku ka marrë disa paketa cigare.
7. Më datë 31.07.2017, në lagjen Nr.6, Durrës dyshohet se ka vjedhur me thyerje dyqanin e shtetasit I.E. ku ka marrë vlera monetare.
8. Më datë 07.08.2017, në lagjen Nr.14, Durrës dyshohet se ka vjedhur banesën e shtetasit A.K. ku ka marrë dy ora dore dhe vlera monetare.
9. Më datë 10.08.2017, në Arapaj, Durrës dyshohet se ka vjedhur banesën e shtetases V.B. ku ka marrë vlera monetare.
10. Më datë 13.08.2017, në Shijak dyshohet se ka vjedhur me thyerje banesën e shtetasit Sh.K. ku ka marrë bizhuteri dhe vlera monetare.
11. Më datë 16.08.2017, në lagjen Nr.1, Durrës dyshohet se ka vjedhur banesën e shtetasit A.D. ku ka marrë bizhuteri dhe vlera monetare.
12. Më datë 23.08.2017, në Arapaj, Durrës dyshohet se ka vjedhur banesën e shtetasit Xh.M. ku ka marrë një TV.
