Ndërsa në Kosovë jo pak bashkëpartiakë të Haradinajt arrestimin e liderit të tyre po e ndërlidhin edhe me politikën, një zëdhënës i Ministrisë së Jashtme të Francës, Romain Nadal, ka deklaruar të hënën në Paris se “veprimi ligjor ndaj Ramush Haradinajt nuk ka dimensione politike”.
Ai në një konferencë me gazetarë se ky rast “nuk e ndryshon politikën e vazhdueshme të Francës dhe mbështetjen e saj për pajtimin në rajon si dhe vazhdimin e dialogut ndërmjet Beogradit dhe Prishtinës”.
Ai tha se “autoritetet gjyqësore në Francë janë marrë me çështjen në mënyrë të kujdesshme” dhe se “procedurat tani janë çështje të autoriteteve të drejtësisë”.
Kreu i AAK-së u arrestua më 4 janar në aeroportin e Basel-Mulhouse mbi bazën e një fletarresti të autoriteteve të Serbisë, që daton nga viti 2004, me të cilin akuzohet për krime lufte në Kosovë në periudhën e viteve 1998-1999. /tesheshi.com/
