Policia deri më tani i ka servirur publikut faktin se në Lazarat ka ekzistuar një bandë – një pjesë e së cilës deri më tni ka përfunduar në pranga, edhe si të vetëdorëzuar – por ende se kush është koka e kësaj bande. Po vërtet, kush është kreu i kësaj bande?!
Eshtë fjala për Arbion Alikon, 20 vjeç, i cili vetëm 3 muaj më parë, u përfshi në një incident me policinë në Lazarat. Ishte pikërisht ky momenti kur mediat publikuan foto të tij në FB, ku ai i bënte temenara ISIS-it.
Në Lazarat, Arbion Aliko njihet si ndër personat më problematikë, me një karakter të vështirë, duke krijuar gjithmonë probleme. Raportet e tij me besimin nuk kanë qenë asnjëherë të konsoliduara; dhe më tepër se si besimtar, ai trajtohet si një aventurier, nga ata që në gjuhën e popullit njihet si nëntëdhjetenëntësh.
Eshtë përfshirë rregullisht, si në kultivim e shpërndarje lëndësh narkotike, e po ashtu dhe në vepra të tjera penale si vjedhje. Gëzon autoritet ndër moshatarë dhe me disa syresh ka arritur të përbëjë një grup, që tashmë janë bërë sfidë për shtetin.
Ajo që po mban të habitur banorë të shumtë të Lazaratit, është lënia e tij që të bredhë pa asnjë problem, ndërkohë që është person në kërkim. Gjatë këtyre tre muajve, që prej incidentit të marsit, Arbion Aliko nuk ka ngurruar të dalë për ndonjë xhiro edhe nga Gjirokastra, pa llogaritur faktin se në Lazarat e rrethina ka bërë një jetë në liri të plotë.
Madje të thonë se ditën e zgjedhjeve ka bredhur nga njëra qendër votimi në tjetrën, pa asnjë fare droje ndaj shtetit, nga fakti se është person në kërkim. Dhe kjo është një pikëpyetje e madhe që shtrohet, sidomos nga banorë të Lazaratit: si ka mundësi që ky shtet nuk ka mundur ta kapë, apo thënë ndryshe ta bëjë zap Arbion Alikon?
A kanë përgjegjësi autoritete policore për moskapjen e tij për tre muaj rresht, ku padyshim që kanë patur informacion për vendodhjen e tij?
Si mundet që shteti arrin të bllokojë kultivimin e drogës në çdo centimetra katror brenda fshatit, por nuk arrin dot të kapë personin më problematik të momentit, që gjykuar vetëm nga ajo që shihet, ja në çfarë derexhe e çoi situatën, sa të humb jetën dhe një pjesëtar i RENEA-s?!
Por dhe njëherë duhet sqaruar statusi i tij tyre fetar: edhe pse ai, por dhe ca ndjekës të tij moshe dhe aventurash, kanë qenë prej atyre që heraherës frekuentonin xhaminë e Lazaratit, komuniteti i atyshëm nuk i ka konsideruar si pjesë normale, dhe aq më pak të denjë të tij.
Madje për këtë komunitetit, sjelljet e tij bien ndesh me çdo parim fetar. Sipas tyre, edhe publikimet e fotove të ISIS-it, që ai, apo ca të tjerë si ai i kanë publikuar në FB, nuk kanë të bëjnë me afshin e tyre fetar, por me zellin e tyre të sëmurë prej aventurierësh. /tesheshi.com/
