Zyrtarë arabë thanë të martën se të paktën 550 besimtarë kishin ndërruar jetë për shkak të nxehtësisë ekstreme gjatë Haxhit të këtij viti, pelegrinazhi kryesor vjetor musliman në Arabinë Saudite, ku jetëhumburit ishin kryesisht egjiptianë.
Pelegrinazhi vjetor, nga e premtja deri të dielën, u zhvillua këtë verë me temperatura ndër më të lartat në planet: merkuri arriti në 51.8° Celsius në Mekë, i konsideruar si vendi më i shenjtë në Islam.
Të paktën 323 pelegrinë nga Egjipti vdiqën, shumica dërrmuese e tyre për shkak të temperaturave shumë të larta, i thanë AFP të martën dy diplomatë arabë, të cilët folën në kushte anonimiteti.
“Ata vdiqën të gjithë për shkak të vapës”, tha një nga burimet. Ai sqaroi se numri i përgjithshëm është dhënë nga një morg në një spital në rrethin Al Muaysem të Mekës.
Sipas diplomatëve, rreth 550 trupa u sollën në morgun në Al Muaysem, një nga më të mëdhenjtë në qytetin e shenjtë.
Bazuar në një numërim të AFP-së, gjithsej 577 njerëz vdiqën gjatë pelegrinazhit. Nuk është e qartë nëse të gjithë vdiqën për shkak të nxehtësisë apo për shkaqe të tjera.
https://x.com/i/status/1803239002637586630
Autoritetet saudite njoftuan të dielën se rreth 2,000 besimtarë me goditje të nxehtësisë ishin trajtuar, por nuk thanë nëse dhe sa prej tyre kishin vdekur.
Haxhi, një nga tubimet më të mëdha fetare në botë, është një nga pesë shtyllat e Islamit dhe besimtarët që janë të aftë duhet të bëjnë pelegrinazhin madhështor të paktën një herë në jetën e tyre.
Por ky tubim fetar po vuan gjithnjë e më shumë pasojat e ndryshimeve klimatike. Një studim saudit i publikuar në maj sugjeroi se temperaturat në vendet ku mbahen ceremonitë po rriten me 0.4°C çdo dhjetë vjet.
Autoritetet saudite i kishin këshilluar besimtarët të përdorin çadra, të pinë shumë ujë dhe të shmangin ekspozimin në diell gjatë orëve më të nxehta të ditës.
Sipas diplomatëve që folën për AFP, numri i lartë i vdekjeve egjiptiane ishte kaq i rëndë sepse shumë nuk kishin marrë leje, që do të thotë se nuk kishin akses në ushqim, ujë, ajër të kondicionuar apo strehim.
More Than 550 Hajj Pilgrims Die In Mecca As Temperatures Exceed 50 Degrees
At least 60 Jordanians also died, the diplomats said, up from an official tally of 41 given earlier on Tuesday by Amman. pic.twitter.com/T1DP2FNR5u— Shakeel Yasar Ullah (@yasarullah) June 19, 2024
Vdekje besimtarësh janë raportuar edhe nga vende si Tunizia, Indonezia, Irani, Senegali.
Gjithsesi, në këndvështrimin fetar, të ndërrosh jetë në Mekë, pra të shkosh te Zoti nga vendi ku Ai zbriti shpalljen e tij hyjnore, Islamin, është fat e jo fatkeqësi. /tesheshi.com/
