Teksti i sër Thomas More është e vetmja kopje me shkrimin e Uilliam Shekspirit që ka ardhur deri në ditën e sotme dhe tashmë do të jetë i hapur për syrin e publikut, duke qenë një nga 300 tekstet e dixhitalizuara për ekspozitën në Bibilotekën Britanike.
Teksti i vetëm i mbijetuar është me shkrimin e dorës së dramaturgut të madh, Shekspirit, e në të imagjinohet sër Thomas More që bën një apel pasionant për trajtimin njerëzor të refugjatëve. Teksti tashmë mund të gjendet online në faqen e Bibliotekës Britanike.
Dorëshkrimi është një nga 300 thesaret e dixhitalizuara së fundmi duke hedhur dritë për shoqërinë dhe kulturën e kohës që ndihmoi në formimin e imagjinatës së Uilliam Shekspirit. Të gjitha dorëshkrimet janë të mundshme të shihen online përpara se të shfaqen në një ekspozitë të zgjeruar në bibliotekë.
Libri i sër Thomas More është veçanërisht prekës për shkak se Europa ndodhet në mes të krizës më të madhe të refugjatëve që nga Lufta e Dytë Botërore.
Skena e fuqishme, ku More sfidon protestuesit anti-emigrantë në Londër, u shkrua në një kohë kur kishte tensione të forta në lidhje me një numër protestantësh francezë (hugenotë) që kërkonin azil në kryeqytetin britanik.
“Eshtë një pjesë me një retorikë vërtet energjike”, thotë kuratori i bibliotekës, Zoe Wilcox. “Në thelb ka të bëjë me dhembshurinë. More u bën apel turmave të solidarizohen me emigrantët apo të huajt siç quhen në tekst. Ai u kërkon atyre të imagjinojnë sesi do të ishte nëse shkonin në Europë, nëse shkonin në Spanjë apo Portugali, e kështu do të ishin të huaj. Ai u lutet atyre të jenë kundër asaj që e quan “johumanizëm kolosal”.
“Eshtë mjaft impresionuese dhe e trishtueshme sesa e kohës tingëllon për ne edhe tani, duke marrë në konsideratë atë që po ndodh në Europë.
Pjesa origjinale, e shkruar afërsisht në vitin 1600 për jetën e këshilltarit dhe lordit të Henrit VIII nuk është e Shekspirit dhe nuk është vendosur në skenë për shkak të frikës se mund të nxiste trazira.
Shekspiri ishte një nga disa shkruesit që punuan për ta rishkruar pjesën dhe kontributi i tij mbetet më i dallueshmi.
Wilcox thotë se të dhënat sugjerojnë se dorëshkrimi është nga dora e Shekspirit, që e bën atë unik. “Gjithçka kemi përveç këtij dorëshkrimi janë vetëm gjashtë nënshkrime autentike të Shekspirit, kështu që pjesa është vërtet e mrekullueshme. Nuk është madje një kopje përfundimtare, por njëra prej atyre që ai draftoi në mes të procesit të krijimit”.
Dorëshkrimi është ruajtur dhe dixhitalizuar dhe do të jetë gjithashtu i hapur për publikun në bibliotekë.
Përgatiti: Juli Prifti – /tesheshi.com/
