Arjan Ademi, futbollisti shqiptar i Dinamo Zagreb-it, është dënuar të mos luajë për atër vite nga shtëpia e futbollit, UEFA. Ky vendim vjen pasi kapiteni i kampionëve të Kroacisë ka dalë pozitiv në testin e anti-dopingut, menjëherë pas ndeshjes ndaj Arsenalit në kuadër të Ligës së Kampionëve.
“Nuk kam fjalë për ta përshkruar se si ndihem tani. Nuk jam fajtor, e di se nuk kam bërë asgjë gabim, dhe tani marrë një dënim drastik. Po ndihem i trishtuar…”, ka deklaruar Ademi pas dënimit, shkruan ‘sportske.jutarnji.hr’.
“Dua të falënderoj të gjithë që më kanë ngushëlluar këto ditë dhe duke më dërguar sms, por vërtetë e kam të vështirë të flas në këtë moment dhe kërkoj mirëkuptimin tuaj”, ka shtuar Ademi.
Edhe klubi i tij, Dinamo Zagreb, lëshoi një komunikatë për shtyp, me anë të së cilës shprehu dëshpërimin lidhur me vendimin e UEFA-s. /tesheshi.com/
