Anët negative të tatuazheve në shëndet

Tatuazhet e bëjnë të vështirë që të vëresh ndryshimet në nishane dhe ato me shumë ngjyra mund të krijojnë përbërës kancerogjenë kur ekspozohen ndaj rrezeve të diellit.

Ky është mendimi i dermatologëve australianë, të cilët thonë se kur ke të bësh me “melanoma që janë të errëta, problem është që të vëresh ndryshimin”.

“Njerëzit me tatuazhe të mëdha dhe të zeza janë më të rrezikuarit”, shprehet Ian McDougal.

Ndërkohë që shumica e tatuazheve kanë dizenjo të ndërlikuara dhe ngjyra të ndezura, tatuazhet e zeza janë ato që mbulojnë pjesë të mëdha të trupit (krahët ose këmbët). Ka dhe nga ata që mbulojnë me të zezë gjoksin, kurrizin ose stomakun.

Kirurgu Mike Shenouda thotë se ndërkohë që doktorët mund ta identifikojnë lehtë një nishan, kur nishani del në zonën ku është bërë tatuazhi i zi, është shumë i vështirë për t’u parë.

Specialisti australian i heqjes së tatuazheve, Mike Anderson, thotë se tatuazhet e zeza po bëhen gjithmonë e më shumë të pëlqyer. “Instagrami është i mbushur me foto të njerëzve që kanë bërë tatuazhe të tilla”, thotë ai dhe shton se janë pikërisht këto tatuazhe më të vështirët për t’u hequr. /tesheshi.com/