Ish-ministri i Financave, sot thjesht deputet i PS-së, Anastas Angjeli, ka mbrojtur paketën 1 miliard të Ramës me aplikimin e partneritetit publik-privat (PPP), ose siç njihet ndryshe dhe me termin konçension, duke thënë se ajo nuk është një shpikje shqiptare, nuk është një shpikje e Edi Ramës, por një praktikë që dhe vende të zhvillara, sigurisht dhe të BE-së, e aplikojnë prej vitesh.
Angjeli tha se kjo metodë ka ardhur nga mungesa e fondeve buxhetore, për të investuar në disa sektorë prioritarë.
“Pra, e rëndësishme është që të kuptohet se partneriteti publik-privat nuk është një shpikje shqiptare”, tha Angjeli, i ftuar në “Studio 24”.
Sa i përket përfoljeve të tjera, ato mbi klentelizmin apo paranë jo të pastër, Angjeli tha se janë institucionet ndërkombëtare financiare ato të cilat fare mirë, me metodat e tyre mund ta vëzhgojnë procesin. /tesheshi.com/
