“Kur u promovua fillimi i projektit “Shkupi 2014” në vitin 2010, qeveria deklaroi se ai do të kushtojë 80 milionë euro. Deri sot ky projekt ka kushtuar 640 milionë euro (730 milionë dollarë), kurse kostoja e këtij projekti vazhdon të rritet sepse punimet ende vazhdojnë”, shkruan revista prestigjioze amerikane “Foreign Policy” në një tekst kushtuar situatës në Maqedoni.
“Çmimi i përgjithshëm mund të tejkalojë 1 miliardë euro, para se të kompletohet ky projekt”, ka paralajmëruar për FP, Tamara Çausidis, nga Balkan Investigative Reporting Network (BIRN) Maqedoni. Ky rrjet ka bërë disa hulumtime lidhur me koston e projektit “Shkupi 2014”, projekt i cili nga analistë të brendshëm dhe të jashtëm vlerësohet si shpërthim i “çmendurisë” nacionaliste maqedonase të VMRO-së dhe BDI-së.
Sipas Çausidis, deri tani mestaraisht për çdo vit ky projekt ka kushtuar 96 milion euro, që paraqet 3 për qind të buxhetit vjetor shtetëror, shumë e cila përafërsisht është e barabartë me buxhetin vjetor të ministrisë së shëndetësisë. /tesheshi.com/
