Jose Mourinho, trajneri portugez i cili së fundmi u shkarkua nga Roma, dëshiron të kthehet në Manchester United, raportoi Daily Mail.
Gazeta britanike thekson se nga burime pranë Mourinhos ka mësuar se portugezi beson se ka punë të papërfunduar në Old Trafford pas largimit në dhjetor 2018.
Mourinho mori drejtimin e United në vitin 2016 pas largimit të Louis van Gaal. Në sezonin e parë, ai fitoi Europa League dhe Carabao Cup, dhe më pas përfundoi në vendin e dytë në Premier League pas Manchester City-t të paprekshëm.
Ai kishte kontratë deri në vitin 2021, por pas një sërë rezultatesh të këqija u shkarkua.
United është në një krizë të madhe këtë sezon, është vetëm në vendin e nëntë të Premierligës dhe ka 16 pikë më pak se lideri Liverpool.
Mediat britanike besojnë se trajneri Erik ten Haag së shpejti mund të shkarkohet. /tesheshi.com/
