A është tryeza e partive të vogla me presidentin Meta një “tradhëti” e tyre ndaj Bashës?
Ulja ballëpërballë e të vegjëlve me kreun e shtetit pritet të ndodhë trë martën, e kreu demokrat nga ana e tij e konsideron një zhvillim konsistent, pa asnjë lloj mospërputhjeje.
Nuk ka asnjë mospërputhje mes qëndrimeve të PD dhe të gjithë koalicionit tonë, ka përputhje totale. PD ka përfunduar javën e kaluar dokumentin e detajuar me detyrat e qeverisë tranzitore në raport me zgjedhjet e lira dhe të ndershme, e kemi diskutuar edhe me aleatët dhe do e paraqesim në ditët në vijim në mënyrë publike.
Një pjesë e mirë e pikave të aleatëve që kanë shpalosur sot janë edhe pikat e programit të PD-së, ka një përputhje totale. Koalicioni opozitar po vepron me bashkëpunim, mirëkuptim dhe në sinergji të plotë për të ecur përpara, cështjet e tjera janë detaje të parëndësishme.
Kryesorja është regjistrimi në zgjedhje dhe pjesëmarrje vetëm kur të ketë vërtetë zgjedhje dhe jo farsë kriminale dhe kushti i padiskutueshëm mbetet largimi i Ramës nga qeveria dhe krijimi i një qeverie tranzitore për të cilën do të keni më shumë informacion në ditët në vijim”, deklaroi Basha. /tesheshi.com/
