Senatori Lindsey Graham tha se presidenti Trump që urdhëroi tërheqjen e trupave amerikane nga Siria, duhet ta frenojë këtë proces.
“Unë mendoj se ne jemi në një pauzë”, tha Graham, një republikan nga Karolina e Jugut, pas një takimi me presidentin Trump.
Ky i fundit ne fillim të këtij muaji njoftoi se kishte urdhëruar tërheqjen e rreth 2,000 trupave amerikane nga Siria për shkak se, siç tha ai, një grup i ISIS-it në Siriu mund, edhe pse ende mban pjesë më të vogla të territorit nën kontroll.
Graham është një nga kritikët më të mprehtë të këtij vendimi i cili u kritikua nga demokratët dhe republikanët bashkë.
Vendimi i Trump tronditi disa aleatë amerikanë, mbi të gjitha kurdët që frikësohen nga ofensiva e shpallur e Turqisë.
“Unë mendoj se ne duhet t’i ngadalësojmë gjërat në një mënyrë të zgjuar”, tha Graham, duke shtuar se Trump është në dijeni të situatës në të cilën janë kurdët.
Kritikët e vendimit të Trump besojnë se tërheqja e SHBA do të inkurajojë Iranin dhe Rusinë, të cilat mbështesin qeverinë siriane të presidenti Bashar al-Assad.
Këshilltari i Sigurisë Kombëtare, Xhon Bolton duhet të udhëtojë për në Izrael dhe Turqi javën e ardhshme për të diskutuar planet e presidentit.
Gjatë një paraqitjeje të mëparshme i ftuar në CNN, Graham pyeti: “Nëse do t’i braktisim kurdët që dhe ata janë viktima të masakrëve, cilët do të na ndihmojnë në të ardhmen?”
“Ne duam të luftojmë në oborrin e armikut e jo tonin”, tha ai dhe arriti në përfundimin se Shtetet e Bashkuara duhet të kenë pra, forcat në Irak, Siri dhe Afganistan për disa kohë.
Për shkak të vendimit të tërheqjes së Trump, Jim Mattis, Sekretari i Mbrojtjes dha dorëheqjen.
Zyrtarët amerikanë thanë për Reuters më parë se vendimi i Trump për t’u tërhequr nga Siria ka alarmuar komandantët amerikanë, të cilët e shohin këtë vendim si një tradhti ndaj luftëtarëve kurdë në veri të Sirisë.
Nga ana tjetër, Turqia i konsideron ata një organizatë “terroriste” dhe Ankaraja ka njoftuar se do të nisë një operacion në Siri në zonat e kontrolluara nga YPG. /tesheshi.com/
