Në një moment të vështirë politik pas rrëzimit si kryeministër, kreu i Vetëvendosjes Albin Kurti ftoi për një protestë të premten, duke ngjizur dy data: çlirimin e Kosovës dhe themelimin e VV.
Kurti e kumtoi këtë me një videomesazh, një një tentativë të qartë për të “treguar dhëmbët”, siç është në traditën e Vetëvendosjes, e cila kur zbret në rrugë bëhet e frikshme.
Megjithatë, Kurti dha garanci për një protestë krejt paqësore. Por ndërkohë, ambasada amerikane përcolli frikë në një mesazh të saj, duke thënë se “edhe tubimet e proklamuara të qeta shpejtë mund të shndërrohen në të dhunshme”, e nga ana tjetër duke i kujtuar VV-së situatën epidemike.
“Tubimet në numra të mëdhenj mund të shndërrohen në super-ngjarje të përhapjes së Covid-19”, thuhet në deklaratë.
Por nga Kurti erdhi një reagim shpërfillës:
“Ata e kanë një komunikatë shabllon që e përdorin çdo herë kur ka tubime. Tubimi i 12 qershorit është për hir të 21-vjetorit të çlirimit të Kosovës dhe 15-vjetorit të formimit të Lëvizjes Vetëvendosje, është tubim paqësor, publik, do të ketë protesta, ato janë të pashmangshme, madje nën çdo qeveri, por të premten e 12 qershorit nuk është një i tillë. Pra, tubim publik, paqësor, manifestim për nderë të 21-vjetorit të çlirimit dhe 15-vjetorit të Lëvizjes”. /tesheshi.com/
https://www.facebook.com/albini2017/videos/541642683406941/?t=0
