Alban Hoxha mund të luajë në Itali në sezonin e ardhshëm futbollistik. Portieri-kapiten i Partizanit është piketuar nga skautët e skuadrës së Spalit, të cilët, pas ngjitjes historike ne Seria A, synojnë të kenë një mbrojtës cilësor të portës.
Negociata me Partizanin është në zhvillim e sipër, por sipas informacioneve nga klubi “i demave”, thuhet se mund të ketë një marrëveshje për shitjen e Hoxhës, me shifrën 200 mijë euro.
Pavarësisht se kjo shifër është shumë më e ulët se oferta rreth 500 mijë euro që mbërriti një vit më parë në tryezën e Partizanit, thuhet se është dëshira e vete portierit, që marrëveshja me klubin italian të realizohet.
Nëse Alban Hoxha kalon tek Spal, atëherë të tre portierët e Kombëtares shqiptare, do të kemi mundësi t’i ndjekim në skuadrat italiane, pasi Etrit Berisha është konsoliduar në portën e Atalantës, ndërsa Thomas Strakosha, lufton për post titullari në portën e Lacios. /tesheshi.com/
