Mesi i ditës. Zemra e Tiranës. Një BMW luksi fluturin në semaforin me të kuqe në një kryqëzim duke u përplasur me një tjetër automjet, krejt në rregull, dhe bërë copash të dy. Mrekullia shpëton nga vdekja e sigurt dhe dy këmbësorë që po ecnin në vijat e bardha.
Pra, siç mund të kuptohet, bëhet fjalë për aksidentin e pak ditëve më parë mes RTSH-së dhe Ambasadës Italiane. Kuriozitetit të madh se cili qe ai i marrë në timonin e BMW-së, policia druhet t’i përgjigjet. Del dy ditë më vonë dhe është në përputhje të plotë me identikitin që mund t’i ketë bërë publikun. Quhet Stiverjan Dashi. Një zorzop nga ana të shumtët e kryeqytetit apo dhe qyteteve të tjera shqiptare ku qarkullon paraja e pisët, të cilët, ndërtojnë parajsën e tyre sy shtetit, derisa vjen momenti që “bëjnë baltën” e paevitueshme, buruar nga trendi i jetës, që sigurisht është me pasoja të rënda. Në atë aksident mund të qenë shumë viktima.
Por cila është kjo kategori birbosh, e cila dallohet me sy të lirë se ç’përfaqëson e që do përbënte një ndë akuzat më të rënda për qeverinë?
Rreth 15 vite më parë, Fatos Lubonja do ngrinte zërin mbi praninë shqetësuese të automjeteve luksoze në rrugët shqiptare. Ishte një shqetësim që ia kish përcjellë një u huaj. Lubonja i referohej atij, i cili i kish thënë se “te ne (siduket në Gjermani), po të dalësh me të tilla makina të ndalon policia”. Ishte koha kur shpërthyen X5-at në rrugët shqiptare. Ndalimi nga policia, sipas të huajit, do ishte një farë vettingu (thënë më fjalët tona) për atë që e posedonte. Dhe, meqë jetojmë në kohë vettingjesh, është e hatbishme por dhe e pafalshme për qeverinë, se si mungon një vetting i tillë.
Makina luksozë me fytyra qumështore në timon, në rastin më të mirë, e me horra që e kanë të shkruar në ballë që janë të tillë, në rastin më të keq, janë një fenomen, thënë pa rezerva, edhe i shtuar vitet e fundit në rrugët shqiptare. Të lexuar në ballë kanë shumëçka nga ajo që mund të bëjë pikëpyetjen e madhe: nga i marrin paratë?
Rasti i aksidentit në fjalë nuk përbë asnjë befasi pozitive. Një i ri, i cili endej kazinove të botës, në Dubai e sa në plazhet greke, në një jetë ku “lekët e xhepit” duhet të jenë më e pakta 5 mijë euro. Dhe çështja është se nuk janë raste të izoluara. Eshtë gati një shtresë shoqërore kjo. Eshtë tipikisht një shtresë për vetting rruge, nëse qeveria do e kishte seriozisht luftën ndaj krimit. Nuk bëhet fjalë thjesht për të harbuar, bëhet fjalë për vrasës. Pa dyshim, edhe përqesheës me ata të robëtohen në punë të ndershme për të siguruar jetën.
Dhe aksidenti i atëditshëm, nuk qe thjesht nëj aksident; ajo qe një ndër akuzat më të rënda që mund t’i bëhen qeverisë në fushën e rendit, ishte një shkak i arsyeshëm për të protestuar pse jo, e për ta rrëzuar, më e pakta, ministrin e rendit të radhës, kësaj here, edhe me kryepolicin Veliu. /tesheshi.com/
