Lëvizja ‘Vetëvendosje’ akuzoi koalicionin qeverisës PDK-LDK se po kontrollon të gjitha ndërmarrjet publike përmes bordeve të këtyre ndërmarrjeve.
“Për të mirëmbajtur sistemin e tyre klientelist, partitë në pushtet, pra PDK e LDK kontrollojnë përmes bordeve të gjitha ndërmarrjet publike, autoritetet që me ligj janë të pavarura dhe institucionet kushtetuese. Po ashtu, përmes kontrollit të bordeve këto parti sigurojnë edhe zhvatjen që ia bëjnë ekonomisë sonë”, thuhet në kumtesën e VV-së.
Në një llogari të thjeshtë, sipas LVV-së, vetëm në bordet e KOSTT, Aeroportit të Gjakovës, Ibër-Lepencit, Infrakos-it, PTK-së, Trainkos-it, AKP-së, ARKEP-it dhe ZRRE-së janë plot 34 individë të cilët kanë lidhje të ngushta me partitë në pushtet si edhe me persona të caktuar të qeverisë, duke shtuar se këto lidhje nuk është për ide e projekte, por për favore e për tendera.
Ata i kanë cilësuar kryeministrin Mustafa dhe zëvendësin e tij Thaçi si hallkë e rëndësishme në zinxhirin urdhërues.
/tesheshi.com/
