Partia Demokratike reagoi përmes një deklarate në lidhje me aksidentin e ndodhur mëngjesin e sotëm, ku një automjet i drejtuar nga deputeti i PDIU-së, Aqif Rakipi, përplasi për vdekje një kalimtar.
Partia Demokratike kërkon zbardhje dhe transparencë të plotë të ngjarjes, duke shprehur dyshimet se ajo mund të mbahet e fshehtë dhe të manipulohen provat në vendngjarje në favor të deputetit, që njihet si mik i ngushtë i kryeministrit Edi Rama.
“Partia Demokratike i kërkon Policisë së Shtetit të bëjë publike ngjarjen dhe i kërkon prokurorisë hetim të plotë e të pandikuar politikisht.
Të dhënat janë se deputeti mik i Ramës ka qënë me shumë shpejtësi kur ka përplasur për vdekje personin dhe është larguar edhe nga vendngjarja me makinën e tij.
Prishja e vendngjarjes do t’ju sjellë vështirësi eksperteve në përcaktimin e shkaqeve të aksidentit.
Për këtë arsye PD kërkon hetim e përgjegjësi të plotë para ligjit për deputetin dhe drejtësi për viktimën”, thuhet në deklaratë. /tesheshi.com/
