Dy aksidente me pasojë humbje jetësh janë regjistruar mëngjesin e së dielës në Lezhë dhe Elbasan.
Policia bëri të ditur se njëri prej aksidenteve, ku humbi jetën një vajtë 11-vjeçare, ka ndodhur në aksin Elbasan-Cërrik.
Nga raportimet mësohet se automjeti ka dalë nga rruga, ndërsa përveç të miturës që humbi jetën janë plagosur edhe dy persona. Të plagosurit e identifikuar si A.SH., 54 vjeçe, banuese në Korçë dhe K.SH., 74 vjeçe banuese në Sarandë, janë dërguar në spital për ndihmë mjekësore.
Ndërkohë, aksidenti tjetër ka ndodhur në autostradën Lezhë- Shkodër, në afërsi të Kryqëzimit të Kallmetit, ku shërbimet policore që kanë konstatuar se kishte dalë nga rruga mjeti tip “Benz”, dhe për pasojë ka humbur jetën drejtuesi i mjetit, shtetasi Lek Nikolli, 50 vjeç, punonjës i policisë kufitare në Shëngjin, i cili udhëtonte i vetëm.
Në vendngjarje ka shkuar grupi hetimor në bashkëpunim me Prokurorinë e Rrethit Gjyqësor Lezhë, vazhdojnë hetimet për zbardhjen e plotë të shkaqeve të aksidentit. /tesheshi.com/
