Motivi për të udhëtuar në një vend është kryesisht bukuria e tij natyrore dhe pikat e tjera të interesit.
Megjithatë, në kohë të vështira ekonomikisht, motivi i largimit mund të jetë financiar, konkretisht çmimet më të ulëta.
Sipas Botës së Statistikave, Pakistani është shpallur vendi më i lirë për të jetuar. Për të zbuluar nëse ky është e vërtetë, Josh Larkin i kanalit “The Burnt Chip” në YouTube udhëtoi në qytetin e tij më të madh, portin kryesor detar dhe qendrën financiare – Karach-i.
Në Karach-i, ai shkëmbeu një paund britanik për 400 rupi pakistaneze dhe u përpoq të kërkonte se çfarë mund të blinte me të.
Për vetëm 30 rupi, ai bleu në rrugë pijen tradicionale pakistaneze, e cila bëhet nga qumështi, sheqeri, akulli dhe soda.
Për drekë ai hëngri biryani – një pjatë pikante e bërë me oriz, patate dhe pulë – dhe një Pepsi për rreth tridhjetë cent, dhe për darkë shijoi ushqim deti për të njëjtën sasi.
Bileta e autobusit i kushtoi vetëm tre cent, dhe duke shëtitur nëpër Karach-i zbuloi se marrja me qira e një apartamenti kushton rreth 60 euro, që është të paktën pesë deri në dhjetë herë më lirë se në shumicën e qyteteve evropiane.
Të dhënat e paraqitura nga Larkin mund të tërheqin udhëtarët e etur për nivelin e çmimeve që duket se janë një nga tërheqjet më të mëdha sot, sigurisht, duke pasur parasysh sigurinë dhe standardet e tjera. /tesheshi.com/
