Bisedoi: Ylli Pata
Agron Camaj, është një publicist 37-vjeçar që ka diplomën e juristit dhe punon si përkthyes i licensuar në Mal të Zi.
Është banor i Podgoricës prej vitesh edhe pse origjinën e ka nga zona e Malësisë. Ai i ka parë protestat që kanë ndodhur të shtunën në Podgoricë por ndjek me vëmendje shtypin sllav, pasi puna i ka dhënë një ndjesi që të shikojë përtej asaj që shkruhet e komentohet.
Ai është shumë i qartë mbi arsyet pse ndodhën protestat dhe shikon integrimin në NATO si shkakun që ka sjellë një reagim të galvanizuar.
Kur i kërkon Agronit pse ndodhi sulmi në ambasadën shqiptare në Mal të Zi, përgjigjet se pikërisht ai sulm tregon natyrën e vërtetë të protestave që kanë zhvilluar në Podgoricë që prej tre javëve.
“Shiko Ylli, ambasada shqiptare u gjuajt me gurë nga ora 18.00, pra shumë përpara se të niste protesta. Pikërisht ky sulm me gurë tregon se protestat e zhvilluara nuk kanë qëllime ekonomike apo sociale, por thjesht kanë të bëjnë me atë nacionalizmin konservativ të një pjese të politikës që kërkon ende të luajë me ca ndjenja që nuk përputhen me asgjë.
Përveç sulmit kanë qenë edhe parrullat mbi rikthimin e Kosovës etj., që tregojnë se nuk kanë të bëjnë me një zhvillim normal politik”.
Ndërkaq, Agroni, kur e pyet se çfarë ndodhi një ditë më pas, të përgjigjet se gjithçka ka qenë ndryshe, sikur mos të kishte ndodhur asgjë prej gjithë asaj gurguleje.
“Po, ne sot kishim Maratonën e Podgoricës ku pati pjesëmarrje të madhe, njerëzit ishin në kafene si ditë pushim, ishte ditë e bukur, pra nuk kishte asnjë vazhdim të asaj që kishte ndodhur”.
Ndërkaq pyetjes se ç`ndodh me shqiptarët në Mal të Zi, Agron Camaj, i përgjigjet: Janë shumë parti, dikush është për protesta, dikush kundër, po nuk di pse sjanë me shqiptarët….”
/tesheshi.com/
