Votuesit grekë duan të qëndrojnë në euro. Ata do të jenë në këtë gjendje të paktën edhe për katër muaj. Vonë në mbrëmje, më 20 shkurt, ministrat e financave të Eurogrupit arritën një dakordësi me qeverinë e Greqisë për marrëveshjen e huasë dhe kohëzgjatjen e saj , e cila ishte planifikuar të përfundojë më 28 shkurt. Kjo gjë do ti jap frymëmarrje krizave politike dhe ekonomike që po kalon Greqia dhe të cilat nisën një muaj më parë kur grekët zgjodhën një qeveri të re dhe të vendosur për të ndryshuar kushtet e marrëveshjes së huasë. Dështimi për të arritur një marrëveshje mund të shoqërohej me një dalje të shpejtë dhe kaotike të greqisë nga eurozona (Grexit).
Turbullirat politike tashmë në greqi janë duke krijuar kosto ekonomike. Greqia doli nga recesioni në fillim të vitit 2014, por ikja nga kontraksionet ishte jetëshkurtër. Shifrat e botuara në 13 shkurt tregojnë se ekonomia greke ishte në rënie viti pas viti, përveç tre-mujorit të fundit të vitit 2014. Që nga viti 2008, ekonomia greke është tkurrur me rreth një të katërtën. Edhe pse nuk është në ato përmasa të Depresionit të Amerikës, recesioni i Greqisë ishte më i zgjatur dhe ka të ngjarë të marrë më shumë kohë derisa të kurohet plotësisht.
Duke filluar të rritet, recidivizmi ekonomik i Greqisë është thellësisht zhgënjyes. Në fakt votuesit grekë kishin shumë arsye që të kërkonin ndryshim. Edhe para se kriza ta godiste, Greqia ishte e prapambetur. Në vitin 2008 vetëm një e treta e familjeve kishin internet, niveli më i ulët në Evropë. Nivelet e papunësisë së të rinjve dhe të borxhit të qeverisë ishin tashmë më të lartat në kontinent. Që atëherë, hendeku midis Greqisë dhe pjesës tjetër të eurozonës ishte rritur. Papunësia ishte trefishuar me rreth 26%, dhe tre të katërtat e të papunëve kanë qenë pa punë për 12 muaj ose më shumë. Mbi një e treta e grekëve kanë qenë në rrezik nga varfërimi, më shumë se çdo anëtar tjetër i euro-zonës.
Më keq akoma, recesioni ka përkeqësuar disa trende demografike. Popullsia e Greqisë u zbeh në kulm në 2009 me pak më shumë se 11 milion banor, për shkak të normave të ulta të natalitetit. Kjo ka bërë që raporti i moshës Greke të varësisë (në thelb është raporti i njerëzve shumë të vjetër për të punuar krahasuar me ata në që janë në moshë pune), të jetë një nga më të lartit në botë.
The Economist
Përktheu: Enklid Pelari
