Pas muajsh të tëra debati, presidenti i Amerikës, Barack Obama ka marrë vendimin të nisë veprimet ushtarake të SHBA-së në Afganistan dhe të autorizojë, nëse do të jetë e nevojshme, edhe bombardimet ajrore për të goditur dhe ndalur talebanët, të cilët mendohet se janë duke përgatitur një sulm gjatë verës. Lajmi është raportuar nga disa media amerikane, të cilat citojnë burime pranë administratës.
Një tjetër burim pranë Mbrojtjes së SHBA-ve ka thënë: “Ky nuk është një urdhër i përgjithshëm për të goditur talebanët”. Në bazë të politikave të reja, komanda ushtarake e SHBA-së në Afganistan, gjenerali John Nicholson do të mund të vendosë kur është e nevojshme që ushtarët amerikanë të luftojnë me forcat afgane në fushë, betejë e cila deri më tani ishte realizuar vetëm nga forcat afgane.
Shtrirja e veprimit ushtarak do të mund të bëhet dhe justifikohet vetëm në ato raste kur ndërhyrja do të mund të sjellë ndikime pozitive. /tesheshi.com/
