Ekzistojnë disa fakte të çuditshme në lidhje me aeroportin e Denverit dhe nuk dihet mirë nëse është bërë në mënyrë të qëllimshme për t’i bërë reklamë dhe për t’i rritur prestigjin, apo janë thjeshtë sajesa të kota.
Të gjitha konspiracionet lidhen me një shënim brenda aeroportit ku thuhet se “Komisioni i Aeroportit të Botës së Re” është përgjegjës për ndërtimin e këtij aeroporti, madje disa thonë se kanë investuar me një shumë prej dyqind milion dollarësh përtej buxhetit. E vërteta është se ky lloj komisioni nuk ekziston as zyrtarisht as ilegalisht, mirëpo shumë mendojnë se kjo lidhet më idenë e “Rendit të Ri Botëror”.
Disa teori konspirative thonë se aeroporti është ndërtuar nga një grup nazistësh dhe kjo duket qartë në përdorimin e formës swastika (forma simbulizuese për nazizmin).
Një tjetër çështje debate është edhe statuja gjigande e një kali, i quajtur “Blue Mustang”, i cili ka dy sy të kuq dhe për këtë arsye vendasit e quajnë “djalli”, aq më tepër pas vdekjes së skulptorit të tij pasi statuja i ra sipër dhe dëmtoi një venë gjë që çoi në vdekjë nga hemoragjia.
Një tjetër teori thotë se aeroporti është qendra e Iluminatit dhe kjo duket qartë në mesazhet e fshehura që ndodhen kudo në aeroport dhe se poshtë tij fshihen bunkerë në rast të ndonjë lufte apo shpërthimi apokaliptik. /tesheshi.com/
