A do ketë rikthim të karantinës në Shqipëri, ngjashëm siç ndodhi për afro 10 javë rresht, e kjo pas shtimit galopant të infeksioneve?
Mjeku Tritan Kalo, aktiv gjithë këto kohë në komunikim me publikun nga FB, thotë që jo.
“Nga sfida e përditëshme me Covid-19…..RIMBYLLJA e padëshirueshme dhe e pamundur, por ECJA e KUJDESSHME përpara është plotësisht e mundëshme…”, e nis ai një status, në fakt pa u kuptuar nëse është një qëndrim që rrjedh nga një vendim i ftohtë ekspertësh, apo është një patetizëm momental, siç jepet e kuptuar nga rreshtat pasues.
“OKSIGJENIMI i trurit dhe i trupit pas uljes së vrullit të Sars-Cov2/Covid-19 nëpërmjet kufizimeve të imponuara, DUHET të na bëjë në VIJIMËSI të reflektojmë dhe të veprojmë me moton: “JETA e gjithkujt është shumë e shtrenjtë, e domozdoshme për Shoqërinë tonë.”….NËNVLERËSIMI i vetëndërgjegjësimit, i mirësjelljes në publik, i distancimit fizik, i higjenës personale dhe asaj kolektive, i aktivitetit fizik në mjedise të hapura, i mbajtjes së maskave në mjedise me prani të shumë individëve në to, i kufizimeve të grumbullimeve kur këto nuk janë një domozdoshmëri jetësore, i hidrimit dhe i ushqimit të shëndetshëm dhe sipas mundësive, solidariteti me njerëzit në nevojë, i RESPEKTIMIT të vetëvetes POR edhe i të tjerëve që gjallojnë rreth teje e sidomos ulja e përkujdesit ndaj të moshuarve…”, shkruan dr. Kalo. /tesheshi.com/
