Ushqimet nuk janë të gjitha njësoj, si nga pikëpamja ushqimore, përmbajtja me vitamina, kalori por edhe nga pjesa vizuale e tyre. Sipas disa ekspertëve shëndetit dhe tretjes, ka disa ushqime që janë shumë të shëndetshme, siç mund të jenë perimet e ndryshme, të cilat, kur kombinohen me ushqime të veçanta, siç është veza, sjellin përfitime shumë të mëdha për shëndetin dhe mirëqenien.
Ky përfundim është mbështetur nga disa kërkues në Purdue University, SHBA, sipas së cilëve, të shtosh një vezë në sallatë, rrit nivelin e karotenoideve në organizëm. Karotenoidet, të cilat përmbajnë beta karroten, likopen enzima të tjera, janë substanca shumë të shëndetshme që sjellin përfitime për shëndetin, si dhe na ndihmojnë të luftojmë sëmundje të rënda, siç mund të jenë tumoret e llojeve të ndryshme.
Studimi është bazuar në një grup personash të seksit mashkull, të cilëve iu është kërkuar të konsumojnë tre lloje sallatash të ndryshme. E para ishte me një vezë të zier, e dyta me një vezë e gjysmë dhe e treta me tre vezë.
Atyre që iu dha sallata me tre vezë, kishin shfaqur nivel më të lartë të karrotenoideve. Megjithatë, sipas studiuesve, dy vezë të ziera janë mëse të mjaftueshme për të pasur një nivel të kënaqshëm të këtyre substancave tretëse.
Këshillohet që vezët ti konsumoni duke i shoqëruar me domate, patate të ëmbla, karota, rrepë, spinaq, avokado, speca të kuq, kungull dhe perime të tjera të freskëta. /tesheshi.com/
