Një dashuri që ka zgjatur plotë 60 vite. Kjo është periudha që Frank e Carolyn LeMunyon kanë ndarë me njëri-tjetrin gjatë jetës së tyre. Tani, të dy janë të sëmurë. Ai është 85 vjeç dhe vuan nga alzheimeri, ndërsa aj është 83 vjeçe dhe po lufton me kancerin.
Fotografia e Frank pranë shtratit të Carolyn, e shtruar në terapi intensive, ka bërë xhiron e botës dhe ka prekur shumë persona në internet. Çdo ditë ai është me të, nuk e lë kurrë. Tregojë historitë e jetës së tyre, kujtimet dhe momentet e bukura të kaluara bashkë. Më pas atë e zë gjumi dhe ai vijon të jetë aty, duke e mbajtur tek dora.
Fotografia është postuar në Reddit nga mbesa e çiftit, e reja Kelsey, e cila i ka përshkruar në këtë mënyrë gjyshërit e saj: “Çdo ditë, pa munguar asnjëherë, gjyshi Frank viziton bashkëshorten e tij në spitalin Freehold në New Jersey. Kur vjen, ulet pranë saj dhe flasin për jetën e tyre bashke. Edhe pse gjyshja e kalon tani pjesën më të madhe të kohës duke fjetur, kjo nuk ka rëndësi për gjyshin, i cili do të rrijë pranë saj”.
Janë martuar në vitin 1954, pasi janë njohur në luftë. Frank ishte në marinë ndërsa Carolyn punonte si sekretare në bazën ku ai ishte në misin. Nga dashuria e tyre kanë ardhur në jetë 7 fëmijë, të cilët i kanë bërë gjyshër të 12 nipërve e mbesave. Pavarësisht vështirësive me të cilat i ka përballur jeta: “janë mbështetur në dashurinë që ndjenin për njëri-tjetrin dhe në ndihmën e familjes për të kaluar bashkë çdo ditë”. /tesheshi.com/
