Nëse nuk dini se si t’i mirëmbani apo pastroni vetullat tuaja, bëni mirë të mos kujdeseni personalisht për to, por të shkoni tek një profesionist/e, i cili është i specializuar për kujdesin ndaj vetullës. Ka disa gabime që çdo femër i bën me vetullën e saj dhe rezultatet janë tërësisht të padëshiruara. Ja se cilat janë ato, po i tregojmë më poshtë
Të hiqni vetullat përpara se të bëni dush
Qimet në vetullën tuaj mund të bien lehtësisht nga uji i ngrohtë dhe si pasojë, vetullat tuaja mund të rrëzohen pasi të keni bërë banjë. Kjo mund të çojë në humbjen e formës dhe i gjithë mundi ju shkon dëm.
Ta teproni me heqjen
Rekomandohet që t’i hiqni vetullat një herë në tre javë. Sa më rrallë t’i hiqni qimet e vetullës, aq më mirë do të duket fytyra juaj. Në modë janë vetullat e trasha dhe të plota, të cilat e bëjnë çdo femër të duket e kompletuar.
Të shmangni harkun natyral që ka vetulla
Nuk ka rëndësi nëse ato janë të holla apo të trasha. Vetullat kanë harkun e tyre, me kënd apo rrumbullak dhe ai nuk duhet ndryshuar asnjëherë. Nëse harku juaj nuk është në nivelin e dëshiruar, atëherë bëni mirë të këshilloheni me nj specialist vetullash, i cili mund t’ju ndihmojë edhe për përforcimin e harkut të vetullave, nëpërmjet nj lapsi.
Ta teproni me lapsin e vetullave
Bëni kujdes në zgjedhjen e lapsit të vetullave. Nëse keni një vetull të errët, është e kot të përdorni një laps me ngjyrë të hapur. Mos e ekzagjeroni me ngjyrën dhe trashësinë që do t’i jepni vetullës, nëse nuk doni të dukeni si kloun.
Këshillohuni me një profesionist vetullash
Profesionistët e vetullave mund t’ju tregojnë sekrete dhe t’ju japin këshilla se si të mirëmbani vetullat tuaja, pavarësisht trashësisë dhe formës së tyre natyrale./tesheshi.com/
