Shkencëtarët dhe arkeologët thuhet se kanë zbuluar se ku ka lindur Jezusi – dhe thonë se nuk ka gjasa që të ishte Betlehemi.
Dhe, siç ka pasaktësi historike në datëlindjen e Jezuit – që nuk është 25 dhjetori – pranuar nga vetë kishat, pretendohet që pasaktësi të ketë dhe në vendin e lindjes. Sigurisht, nuk diskutohet Lindja e Mesme.
Më saktë, historianë dhe arkeologë se Jezui nuk ka lindur në Betlehem, por në një qytet tjetër rreth 175 km më larg, në qytetin e vogël të Nazaretit, ose në një tjetër Betlehem.
Studiuesit thonë se dëshmia më e mirë se Betlehemi është vendlindja e vërtetë e Jezusit në fakt vjen nga Bibla, veçanërisht pasi çdo provë fizike nga 2000 vjet më parë është e vështirë të gjendet.
Dr. Clyde Billington, studiues biblik dhe shef ekzekutiv i Institutit të Arkeologjisë Biblike, tha për Daily Mail: “Betlehemi në Jude përmendet te Mateu, Luka dhe Gjoni si vendlindja e Krishtit”.
E keqja është se këto burime janë padyshim mjaft të vjetra, dhe Ungjilli i Mateut besohet të jetë shkruar rreth vitit 80 pas Krishtit – rreth 50 vjet pas vdekjes së Jezusit.
Megjithatë, Bibla është gjëja më e afërt që kemi për të hartuar jetën e Jezusit dhe studiuesi thotë se është “i bindur” se Jezusi ka lindur në Betlehem të Judesë.
Profesorja Helen Bond, një eksperte në historinë e krishterë në Universitetin e Edinburgut, theksoi gjithashtu se ungjilli më i vjetër, Ungjilli i Markut, “nuk thotë asgjë” për lindjen e Jezusit dhe apostulli Pal, i cili njihte vëllezërit e Jezusit, gjithashtu nuk e përmend Betlehemin.
Arkeologët kanë përcaktuar gjithashtu se vendndodhja është logjike, pasi kanë gjetur prova se Betlehemi i Judesë ka ekzistuar dhe daton që nga koha e Jezusit.
Studiuesit bënë një zbulim të madh në vitin 1969 kur zbuluan copa qeramike të epokës së hekurit nga rreth 1000 deri në 586 p.e.s. në Betlehem.
Një tjetër gërmim i kryer nga Dr. Joan Taylor i King’s College në Londër dhe Dr. Shimon Gibson i Universitetit të Karolinës së Veriut dhe Charlotte pranë Kishës së Lindjes së Krishtit në vitin 2016 bëri gjithashtu disa zbulime interesante pasi gjetën qeramikë dhe artefakte që “pa dyshim” datojnë në të kohës së Jezusit.
Por disa si Aviram Oshri, një arkeolog me Autoritetin e Antikiteteve të Izraelit, i cili ka kaluar më shumë se 10 vjet duke gërmuar vendin antik, besojnë se Jezusi ka lindur në një fshat të vogël të quajtur Betlehemi i Galilesë, më shumë se 60 milje (100 km) nga Betlehemi në Jude dhe që është shumë më afër Nazaretit.
Kjo sepse ai beson se Maria(Merjemja), shtatzënë rëndë, nuk do të kishte udhëtuar 175 km nga Nazareti në Betlehem të Judesë.
Kjo, dhe gjatë gërmimeve të tij, ai gjeti një kishë të madhe të periudhës bizantine dhe një ndërtesë që mund të kishte qenë një shtëpi për mysafirë ose një han – që është afër historisë biblike që ne të gjithë e dimë.
Megjithatë, të tjerë thonë se teorisë së Oshrit i mungojnë provat sepse Dr. Billington thotë se nuk ka “një burim të vetëm të lashtë” që e vendos lindjen e Jezusit në atë qytet.
Të tjerë thonë se Jezusi ka shumë të ngjarë të ketë lindur në Nazaret, sepse nga Ungjilli thuhet se Maria dhe Jozefi jetonin në fshatin atje dhe Jezusi u rrit atje. Edhe pse Nazareti nuk kishte pretendime profetike, fshati përmendet vazhdimisht në të gjithë Biblën, shkruan Unilad.
Megjithatë, pak rëndësi ka se ku apo kur lindi Jezui, ndryshe Isai në Islam; më e rëndësishme dhe thelbësore është misioni me të cilin ai u dërgua nga Zoti si dhe fakti i thjeshtë dhe logjik: që ishte rob i Zotit – profet e assesi Zot.
Trajtimi i Jezuit si Zot është një prej marrëzive më të mëdha njerëzore, në mos më e madhja pas mosbesimit në Zot. /tesheshi.com/
