Kolonët izraelitë kanë ndërtuar shtatë “vendbanime të paligjshme” të reja në Bregun Perëndimor të pushtuar në gjashtë muajt e fundit, raporton Anadolu.
Në njoftimin e organizatës joqeveritare izraelite “Paqe tani”, theksohet se në zonën “B” të Bregut Perëndimor janë ndërtuar vendbanime të reja ilegale.
Izraelitët kanë ndërtuar shtatë vendbanime të paligjshme në Bregun Perëndimor në gjashtë muajt e fundit. Pesë vendbanime të tilla u ndërtuan në zona të mëdha në lindje dhe juglindje të qytetit të Betlehemit.
Një nga vendbanimet ilegale është ndërtuar pranë vendbanimit Ofer në pjesët qendrore të Bregut Perëndimor.
Dy vendbanime u ndërtuan në territorin e fshatit palestinez Ayn Yebrud.
Në deklaratë thuhej se qytetarët palestinezë duhej të largoheshin nga shtëpitë e tyre për shkak të frikës nga sulmet e kolonëve izraelitë të cilët më vonë uzurpuan shtëpitë palestineze.
Në vitin 1995, delegacionet palestineze dhe izraelite nënshkruan të ashtuquajturën “Marrëveshja e Dytë e Oslos”, sipas së cilës Bregu Perëndimor i pushtuar ndahej në tre zona.
Zona “A” mbulon 18 për qind të territorit të Bregut Perëndimor dhe autoriteti administrativ dhe i sigurisë mbahet nga palestinezët. Zona “B” përbën 21 për qind të Bregut Perëndimor dhe ndan përgjegjësitë administrative dhe të sigurisë. Zona e tretë dhe më e madhe “C” mbulon 61 për qind të Bregut Perëndimor dhe është plotësisht nën kontrollin e Izraelit. /tesheshi.com/
