Ambasadat e gjashtë vendeve, mes tyre dhe ajo shqiptare, u dëmtuan në një sulm me raketa ruse në qendër të kryeqytetit ukrainas, njoftoi Ministria e Punëve të Jashtme të Ukrainës.
Ambasadat e dëmtuara janë të Malit të Zi, Maqedonisë së Veriut, Shqipërisë, Argjentinës, Palestinës dhe Portugalisë.
“Disa ambasada në Kiev u dëmtuan nga bombardimet. Të gjitha këto ambasada ndodhen në një ndërtesë, e cila ka pësuar dëme të konsiderueshme nga një sulm me raketë”, tha Georgy Tikhy, zëdhënës i Ministrisë së Punëve të Jashtme të Ukrainës, transmeton Ukrinform.
