Të paktën 38 persona janë plagosur në Katalonja, pasi forcat e sigurisë dhe policia kombëtare spanjolle ndërhyri në qendrat e votimit për të ndaluar referendumin për pavarësinë e rajonit nga Spanja.
Shërbimet e emergjencës i kanë dhënë ndihmën e parë 38 personave, nga të cilët 3 paraqesin problem serioze, raportojnë mediat vendase.
Ndërkaq, lideri rajonal i Katalonjës, Carles Puigdemont, ka akuzuar autoritetet për përdorim të “dhunës së paarsyeshme, të tepruar dhe të papërgjegjshme” në aksionin e tyre kundër referendumit për pavarësinë e Katalonjës nga Spanja, raporton Reuters.
Dhuna përmes shkopinjve dhe plumbave të gomës nga policia spanjolle për të penguar votimin e asaj që autoritetet spanjolle e kanë cilësuar si referendum ilegal ka shfaqur një “imazh të frikshëm të Spanjës”, ka thënë ai para gazetarëve.
“Dhuna e paarsyeshme, e tepruar dhe e papërgjegjshme nga shteti spanjoll sot jo vetëm se ka dështuar të stopojë dëshirën e katalanëve për të votuar, por edhe ka ndihmuar në qartësimin e të gjitha dyshimeve që është dashur t’i zgjidhim sot” ka thënë ai.
Nga raportimet, mësohet se policia ka gjuajtur me plumba gome njerëzit që po prisnin në radhë për të votuar në referendumin e Katalonisë për pavarësi.
Qendrat e votimit janë hapur sot me fillim nga ora 9.00 në Katalonje, përkundër kundërshtimit të ashpër nga Madridi. /tesheshi.com/
