Gjigandi italian AS Roma njoftoi të enjten se është arritur një marrëveshje midis pronarit James Pallotta dhe Dan Friedkin, një sipërmarrës amerikan, në lidhje me shitjen e klubit për gati 600 milion euro.
“AS Roma konfirmon se u arrit një marrëveshje mbrëmë në mes AS Roma SPV LLC, aksioner mazhoritar i AS Roma SpA, dhe Grupit Friedkin për shitjen e klubit. Kontratat u nënshkruan të mërkurën në mbrëmje dhe vlera vlerësohet pothuajse 591 milion euro,” tha klubi në një deklaratë.
Romanët janë kryesuar që nga viti 2012 nga biznesmeni amerikan James Pallotta, i cili zotëronte të gjitha aksionet e klubit dy vjet më vonë.
Pronar i ri
Pronari i ri, Dan Friedkin, është 54 vjeç, drejton një kompani lider që bashkon një duzinë kompanish, dhe është veçanërisht aktiv në shitjen e makinave dhe hoteleve, me qendër në Houston, Texas.
Sipas Forbes, pasuria e tij vlerësohet pak më shumë se 4 miliardë dollarë (3.6 miliardë euro), duke e bërë atë njeriun 504 më të pasur në botë.
Ish-pronari Pallotta ishte shumë jopopullor me tifozët sepse Roma nuk fitoi asgjë nën presidencën e tij, dhe shumë lojtarë të vlefshëm si Salah, Alisson, Marquinhos, Nainggolan, u shitën për të shlyer borxhet.
Projekti i madh i Pallotta-s ishte ndërtimi i një stadiumi të ri në jug të Romës, i filluar në vitin 2012, por u vonua për shkak të çështjeve ligjore dhe burokratike, kështu që ndërtimi as nuk filloi. /tesheshi.com/
