Ndërkohë që të gjithë ne jemi të fiksuar pas lokaleve dhe ambienteve që kanë wi-fi, ky burrë ecën në rrugë me një detektor në dorë, për të kuptuar nëse aty rrotull ka sinjale wireless-i.
Nuk bëhet fjalë për një manjak të lidhjes në internet me çdo kusht, por tërësisht ndryshe. Ai duhet të rrijë larg kësaj linje të paktën 50 metra, pasi në të kundërt nis të ketë të përziera, probleme me shikimin dhe dhimbje të forta koke.
Steve Miller është alergjik nga sinjalet WiFi dhe ky është një problem i madh në epokën në të cilën jetojmë, kur qytetet janë të mbushura me lidhje të tilla në çdo cep. Ai ka qenë me profesion deejay dhe jeta e mëparshme vërtitej mes spektaklesh e koncertesh. Një ditë nisën problemet e tij, kur ishte duke punuar në një studio, në të cilën kishte instaluar prej pak kohësh WiFi.
Ai tregon në The Sun: “Tani është me të vërtetë shumë e vështirë të gjej vende pa sinjal interneti. Frika ime më e madhe janë aeroportet, hotelet dhe stacionet e autobusëve apo trenave”. Steve është pjesë e 2 përqindëshit të popullsisë që vuan në mënyrë të tmerrshme nga valët elektromagnetike.
Nuk ka ende prova shkencore që të tregojnë se valët WiFi janë armike të shëndetit, pavarësisht se çdo ditë bombardohemi nga kjo ndotje elektronike. Steve gjithsesi e ka gjetur kurën: është strehuar në Cornovaglia të Falmouth, në një banesë me mure 45 centimetër të trashë./tesheshi.com/
