Dy persona janë arrestuar në Krujë pasi janë zbuluar se kanë trafikuar rreth 100 shqiptarë duke i dërguar ata në Gjermani, me qëllim përfitimin e azilit.
Burime nga policia bëjnë me dije se në pranga kanë rënë 27-vjeçari Besnik Gjoka dhe 25-vjeçari Shaban Gjoka, të dy banues në Fushë Krujë.
Pas një hetimi 3 mujor policia ka dokumentuar se dy të sipërpërmendurit, në bashkëpunim me njëri-tjetrin kanë dërguar rreth 100 shtetas në Gjermani, me qëllim për të përfituar azil duke i ndihmuar për të kaluar në mënyrë të paligjshme kufirin.
Pjesa më e madhe e personave të larguar kanë pasur problem me vendet në Zonën Shengen.
Të arrestuarit, me anë të mjeteve të tyre i transportonin njerëzit në itenerarin Kosovë-Serbi-Hungari-Austri-Gjermani kundrejt pagesave që varionin nga 500 deri në 1500 euro për person.
Ndaj Besnik e Shaban Gjokës, Gjykata e Rrethit Gjyqësor Krujë kishte vendosur masën e sigurisë ‘arrest me burg’ për veprën penale “dhënie ndihmë për kalim të paligjshëm të kufirit” në bashkëpunim./tesheshi.com/
