Krimet e Rënda kanë dhënë të tjera detaje në lidhje me ndalimet për 2.5 drogë të kapura në Ankona muaj më parë, sasi e cila ka çuar në pranga një efektiv të lartë të Policisë së Vlorës mbrëmjen e së martës.
Sipas një njoftimi të Prokurorisë që po merret me këtë dosje, në pranga kanë rënë dhe dy policë e dy doganierë të Portit të Durrësit, andej nga kaloi sasia e madhe e kabanisit
Njoftimi i Prokurorisë së Krimeve të Rënda:
Në vijim të operacionit të Prokurorisë për Krime të Rënda, paraditen e sotme janë ndaluar edhe 4 persona të tjerë, dy prej të cilëve punonjës policie në Pikën e kalimit kufitar, Durrës, një doganier në Doganën e Portit, Durrës, si edhe një agjent doganor.
Nga hetimi i Prokuroisë për Krime të Rënda është evidentuar se,për kalimin e kamionit të ngarkuar me 2.5 ton lëndë narkotike, janë krijuar kushtet nga zyrtarë publikë, të cilët kanë mundësuar kalimin lirisht të kamionit nga porti i Durrësit deri në portin Ankona në Itali.
Për këtë arsye, nga ana e Prokurorisë për Krime, të Rënda është urdhëruar gjithashtu ndalimi i efektivëve të Drejtorisë së Policisë së Kufirit dhe Emigracionit, Durrës, Gëzim Dervishidhe Agron Kapllani , si edhe për doganierin Altin Katundi, e agjentin doganor Mikail Hila.
Urdhërat e ndalimit janë ekzekutuar nga ana e Policisë së Shtetit”, thuhet në njoftim. /tesheshi.com/
