Pietro Pelegri është fëmija që po bën të cmendet e gjithë bota e futbollit në Itali. Sulmuesi që luan aktualisht për Xhenoan, ka shënuar dy gola në ndeshjen e humbur ndaj Lacios, por loja e tij, ka lënë pa mend të gjithë ndjekësit e këtij sporti.
Djaloshi që ka lindur në 17 mars të vitit 2001, pra ende 16 vjec, ka shënuar me pjekurinë e një sulmuesi “race”, duke depërtuar në mbrojtjen “e ngjeshur” të Lacios. Për djaloshin ka një interes të konkretizuar tashmë nga Inter, Juventus e Çelësi. Megjithatë, pas ndeshjes me Lacion, Pelegri ka folur jo si fëmijë i ndrojtur, por si sulmues që është gati të mbajë përgjegjësi mbi shpinë.
“Humbjen nuk e merituam, por do të ringrihemi në ndeshjen e rradhës me Kievon. Do të stërvitemi më me intensitet dhe kemi besim si te trajneri, ashtu edhe në forcat tona”, është shprehur 16 vjeçari për Premium Sport. Më pas, sulmuesi i Xhenoas, flet edhe për mardhëniet në familje e shoqëri.
“Nuk do ta braktis shkollën. Këtë vit do të kaloj në shkollë private, që të mund të kombinoj mësimet me stërvitjen. Babai më ndjek që fëmijë dhe është bukur që sot është emocionuar prej meje. Më ka qëndruar shumë pranë dhe më ka çuar në stërvitje, edhe kur kam qenë me të ftohtë e kur binte shi. Ia njoh atij rritjen time në futboll. Për sportin më ndjek ai, për shkollën mamaja. Idhulli im është Ibrahimoviç, sulmuesi më i mirë në botë”, rrëfen me sinqeritet Pelegri. /tesheshi.com/
